【姑丈變姑母？】自認性格奇怪屬異類 炎明熹：好多謝你哋鍾意
更新時間：20:50 2021-07-22 HKT
發佈時間：19:30 2021-07-22 HKT
發佈時間：19:30 2021-07-22 HKT
字體大小
在昨晚播出的《聲夢傳奇 傳奇誕生》上，主持人森美提到家人的支持，Gigi大爆姑丈因照顧佢而要「變性」：「我覺得姑丈犧牲咗佢嘅性別。」搞到森美忍不住問是否要改口叫姑丈做「姑媽」？但其實原來Gigi想表達姑丈對自己的照顧是無微不至：「佢好似忍者咁分身，一日阿女、阿女、阿女咁叫我，有時佢會煮嘢食，烚雞胸、烚西蘭花、粟米撈蘿蔔，衫又會幫我鋪好晒，又會幫我換床單，洗衫、熨衫、抽濕乜嘢家務都會做晒！」森美笑說：「佢講到姑丈好似變咗媽媽咁，雖然佢嘅講法有啲奇特，但係都感覺到姑丈有幾咁錫佢！」
GiGi亦坦言想不到自己竟然有這麼多fans支持：「我覺得自己嘅性格好奇怪，有啲人會覺得我係異類，但係好多謝你哋鍾意！」比賽過後，本來GiGi準備了很多說話同大家講，在節目上，森美笑言給時間讓Gigi盡情講，殊不知她竟然說：「我有諗過準備一啲說話，就算我唔係攞冠軍又好，又或者冇攞到都好，我都希望可以錄條片出嚟講，但係我本嘢漏咗喺屋企，搞到我對手汗都出晒嚟，我幾期待支咪漏電，但係應該唔會！」
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
