公開追前男友錢郭思琳壓力大致失眠兼生濕疹

即時娛樂

更新時間：15:22 2021-07-07 HKT
發佈時間：16:30 2021-07-07 HKT

郭思琳曾與吳浩康傳緋聞。

曾與吳浩康傳緋聞、有「格鬥女神」之稱的郭思琳，今日她在社交網自爆曾與一位圈外男友陳志滔（Chester）拍拖4年半，並公開向對方追數！

郭思琳稱男方曾承諾6月底前還錢，最後無影。

Naomi透露張致恆仍未還清債款。

郭思琳稱與Chester有不少錢銀轇轕，包括投資以太幣、開公司、交租、伯娘離婚的錢等，雖然未有透露前男友欠款總數，但她指男方對還錢一直採拖字訣。在郭思琳的千字文中，透露前男友曾在郭媽媽和朋友面前承諾，在今年6月內還清全數，可惜限期已過仍是不了了之，追數一事令郭思琳精神壓力好大，經常失眠，壓力瘡和濕疹亦出現，她說：「呢幾個月我一直低調，無論分手後佢特登搵我啲朋友唱衰我，我都無刻意搵人澄清，亦無喺social media講佢半句壞話。我盡量忍耐，俾足時間佢還錢，連利息都無收。估唔到換嚟嘅就係佢一拖再拖。」

郭思琳表示曾提議多個還款方法，包括分期付款，但對方都有藉口拒絕，「我幫佢諗埋辦法還錢，佢竟然話會增加佢經濟負擔唔肯還… 難道我無經濟壓力咩？點解佢嘅問題要我呢個女人仔去幫佢承擔？當初邊個主動承諾會六月底還錢？邊個懶型喺人地面前大大聲話會出面借錢還我條數？」她透露Chester至今未有還過一分錢，並懷疑對方已將投資的以太幣套現自用，她嬲爆表示：「陳志滔 Chester Chan，你爭我錢，我追你還，係最正常不過嘅事！嫌我煩？還錢我咪以後唔使搵你囉！！！」事件公開後，不少網民都同情郭思琳遭遇，而曾經公開向張致恆追數的馮鎵瀠（Naomi）亦應同身受，稱張致恆也曾承諾2月尾後會還尾數，最後還是繼續拖數。