老婆公開陳年合照賀結婚28周年𡃁仔馬德鐘係陽光型Oppa

即時娛樂

更新時間：08:09 2021-06-29 HKT
發佈時間：23:30 2021-06-28 HKT

兩人行出街應該勁多人望。

尋日(27日)係馬德鐘的53歲生日，而今日就係佢同老婆張筱蘭的結婚28周年紀念日，一齊28年唔容易，仲要中間馬神曾經傳過唔少緋聞，不過都過去嘞。

馬太用Filter令兩人變成老人家。

馬德鐘、馬太及兒子馬在驤。

馬太在網上Po咗兩張同馬神嘅陳年珍貴合照，嘩，馬神後生好陽光好靚仔，完全係學校校草Feel，張筱蘭帖文就話：「由我們認識的青葱歲月開始，去到弱冠之年，到現在，再過多三十年，很快就會去到耄耋之年。有幸我們能成為夫妻絕對是三世因緣，希望一直能與你共同進退，時刻保持內心清淨，心無罣礙，獲得真正的自在快樂，就如無門慧開禪師所寫：春有百花秋有月，夏有涼風冬有雪，若無閒時掛心頭，便是人間好時節。結婚28周年快樂！」

馬太原是名模，係香港科技大學社會科學系哲學博士，又靚又係尖子，難怪寫文咁有意思。