【老花評老姜】似外星人唔會變囂張　花姐深信姜濤只想做個認真表演者

更新時間：01:00 2021-06-25 HKT
發佈時間：07:00 2021-06-25 HKT

原來老姜私底下叫花姐「老花」，都幾cute呀！

花姐之前接受《頭條日報》訪問時，曾經講過姜濤，「佢媽咪管教得佢好好，男仔廿幾歲都咁純。」又話：「佢最想要嘅唔係獎，最想我畀自由度佢做自己鍾意嘅音樂。」花姐呢日ig再講到姜濤，不但爆他私底下愛叫她「老花」，更形容他對演出的高要求似是外星人；又覺得他不會因為一朝得志變囂張，因他只是想做個「認真的表演者」，雖然花姐平日好少讚姜濤，但睇得出佢係真心欣賞呢個「仔」嘅。

花姐叫姜濤放心，演唱會演出fans一定會鍾意，果然係啦！

花姐留言全文如下：
「老姜.....佢對我黎講係一個外星人，一個係我想像以外嘅人。演唱會嘅一年前就已經同我講『喂！老花，我已經諗到演唱會個item做咩，可唔可以下星期安排排舞」當時我真係咗咀「我連開唔開到演唱會都未知woo』

到演唱會期間，佢不斷問我『老花，我知道你而家唔會影響我地自信，但係我想你話我知，我個item好唔好，有咩要改』我有時會同佢講『放心，你嘅fans一定會鍾意』然後佢認真咁同我講『我想將呢個表演做到最好』

好多人同我講『你小心姜濤會囂張』我可以肯定同大家講『老姜一定唔會」名利對佢一d都唔重要，因為佢個人真係好簡單，佢只係想做一個『認真嘅表演者』」