Supper Moment主音娶拍拖6年女友　Sunny：執手開始一輩子的旅程

更新時間：22:33 2021-06-06 HKT
發佈時間：21:30 2021-06-06 HKT

Sunny今日與女友Emily在教堂行禮。

樂隊Supper Moment的32歲主音Sunny（陳仕燊）去年9月宣佈向拍拖6年的圈外女友Emily成功求婚，原來今日二人已行禮，Sunny正式成為「老襯」！事後Sunny於社交網上載婚照，並留言：「執手開始一輩子的旅程」相中，穿上禮服的他拖着新娘一齊向鏡頭甜笑回望，另一張則是一對新人在教堂大門前咀嘴，幸福滿瀉，一眾圈中好友周柏豪、張繼聰、李幸倪等紛紛送上祝福。

一對新人在教堂大門前咀嘴，幸福滿瀉。

疫情下似乎觀禮的人數也不多。

結他手阿雞（梁燿鵬）亦於社交網貼出Supper Moment四子的合照，他寫道：「兄弟，恭喜你同Emily今日終於正式拉埋天窗！從以前覆句SMS都嫌麻煩，到而家能夠籌備整個婚禮，為咗另一半上婚前培育課程，組織自己嘅家庭，咁多年來，深深體會你對尋找幸福嘅熱情，Wishing you and Emily lots of happiness and happy marriage. 以後就係人生另一階段，enjoy the game bro！」由於Supper Moment將於月底在九展開騷，阿雞在文末也搞笑Hastag「畀你放埋聽日後日好rehearsal」，敦促Sunny放完兩天假好歸隊進行綵排。

新郎Sunny與Supper Moment隊友的合照。

CK指Sunny由乜都唔識的音樂人變成「全能老公」。

至於低音結他手CK（張祖光）也笑Sunny「以後唔單止要交歌仲要交人」，他又於IG Story分享一對新人在教堂宣誓一刻的花絮照，CK表示：「以前剩（淨）係識做音樂，連個雪櫃都唔識得插掣，以前剩（淨）係掛住做音樂，連換個智能電話都覺得煩，前幾日聽到你講，而家乜家務你都識做，直頭想Tag歌：愛是苦中亦能笑着滿足。」鼓手阿達（陳鴻達）亦於IG Story感性留言，指見證二人於疫情中結婚，肯定會成為大家數十年後仍深刻的甜蜜記憶。