張頴康宣布麥雅緻懷第3胎囝囝第一次做哥哥「無眼睇」

更新時間：13:39 2021-05-22 HKT
發佈時間：11:12 2021-05-22 HKT

老婆佗第3胎，張頴康承諾擔所有粗重工作。

張頴康與麥雅緻結婚9年，育有大女小豆和次子小花生，昨夜他在社交網宣布太太懷有第3胎，留言：「『終於都講得喇』，我老婆成日都話，睇住小豆小花生BB嗰陣嘅相，就好掛住佢哋BB嘅時候！雖然照顧佢哋係好辛苦，但係每日見住佢哋又覺得好滿足！其實，我都有同一種感覺！既然時間唔可以返轉頭，咁就從新再經歷多一次啦！老婆，嚟緊嘅日子辛苦你喇！其他粗重嘢等我嚟做啦！我愛你❤️」。
貼上麥雅緻拿著超聲波照、「一家五口」合照的張頴康補充說：「小豆再做家姐，好似好有經驗，所以比較冷靜！而小花生對於自己第一次做哥哥，就表示...『我無眼睇』」！照片中的小花生果然遺傳了演藝細胞，除了一齊擘大口開心驚喜表情外，小花生另一張緊閉雙眼，再一張索性用手掌遮眼，完全「無眼睇」！