【頭條獨家】做童星曾被同學欺凌 陳穎妮唔怕醜以張曼玉為目標
更新時間：19:02 2021-05-11 HKT
發佈時間：23:00 2021-05-11 HKT
發佈時間：23:00 2021-05-11 HKT
字體大小
擔任小主持的4年間，陳穎妮冇因此成為學校風頭躉，反而失去課餘跟同學仔玩的時間，令她慘成校園「邊緣人」並遭欺凌，「嗰時逢周六、日拍嘢，冇乜跟同學相處，所以好多同學都唔鍾意我，佢哋會話我：『係咪覺得自己好靚？』最嚴重一次係喺學校門口寫我名同粗口，好似欠債咁，有段時間唔開心到唔想返學，又冇朋友，覺得人生好灰。」不過長大後，她覺得一切都是成長經歷，做小主持也令她獲益不淺。
想同劉青雲演情侶
離開亞視後，Winnie曾夥梁家輝拍電影《絕種鐵金剛》，後於無綫劇《足秤老婆八両夫》扮演年輕版郭藹明等，早前就加盟種星堂娛樂公司。Winnie坦言最想跟劉青雲合作，「青雲個樣好正經，但有喜劇細胞，我本身好鍾意佢， 希望喺戲中同佢搞笑完再一齊。」盼有機會拍喜劇的Winnie亦不怕醜化成「程大嫂」或「火雞姐」，並視張曼玉為目標，「希望好似佢咁，盡力將每個角色呈現畀大家。（同偶像一樣有獨特的歌喉？）只可以話我唱歌唔係特別有天份，但畀心機係有得學嘅，暫時我都唔想分身去其他項目。」
