作品獲外國音樂人賞識出大蝶　劉祖兒隔30年再闖樂壇衝出國際

更新時間：23:11 2021-04-28 HKT
發佈時間：10:00 2021-04-29 HKT

Joi當年憑歌曲《喜歡我》同名唱片獲得金唱片，並於30年後再推出純跳舞音樂大碟《3 UR Mind》。

憑歌曲《喜歡我》為人熟悉的90年代歌手劉祖兒（Joi)，當年憑首張同名唱片獲得金唱片，惜因自覺不適合娛樂圈，在樂壇閃現兩年便消聲匿跡。雖然已離開樂壇多年，但近年轉做美容學校的他閒時也會玩音樂，早前趁疫情「停業」，Joi就留在家中創作不同音樂作品打發時間，豈料其創作獲外國音樂人賞識，為他推出純跳舞音樂大碟《3 UR Mind》，更於德國、英國及日本等地發行！

90年代加入樂壇的Joi因自覺不適合娛樂圈，在樂壇閃現兩年便消聲匿跡，但閒時仍玩音樂。

對於作品能衝出國際，Joi直言又驚又喜︰「疫情令我多時間玩番音樂，起初只係抱住玩吓、消磨吓時間，估唔到作品有人喜歡，仲要係外國人鍾意，初時知道有人對我啲歌有興趣，以為係講笑，估唔到係真嘅。」他更透露老婆一口氣從外國買了100隻唱片寄回港，送給身邊朋友，Joi續道︰「起初都唔知佢有買，到一箱嘢送到屋企，先知原來佢買咗咁多返嚟，佢話係我人生第二次出唱片，仲要相隔30年，好有紀念價值！」

Joi的作品不僅在外國獲好評，不少外國及日本音樂平台均有報道，令他成為第二位亞洲人上英國倫敦NTS廣播電台的音樂網上錄音節目，連香港DJ梁兆輝也於晚上主持的音樂節目播放其作品，並以「電音Architect（電音建築師）」來形容Joi，大讚他的作品達國際水平。對此，Joi表示︰「好開心大家欣賞我的作品，自己唔敢話達到國際級水平，只係將自己鍾意嘅元素放入音樂作品。當晚揸緊車返屋企，聽到音樂節目播自己作品，當然開心啦！」