恨搞Pool side婚禮　廖子妤嘆難覓真命天子

更新時間：21:12 2021-04-06 HKT
發佈時間：10:00 2021-04-07 HKT

Fish早前為婚禮業界舉行的頒獎禮擔任頒獎嘉賓。

廖子妤（Fish）早前為婚禮業界舉行的頒獎禮擔任頒獎嘉賓，同場還有電影《淪落人》導演陳小娟及陶傑等。當日，Fish以一身西裝造型「反串」現身，她說：「之前拍攝《地產仔》，或者金像獎都有着男仔西裝，我自己好鍾意西裝，我覺得呢件係我嘅盔甲，係一個好有魅力打扮。無論男同女都可以嘗試。」

Fish以一身西裝造型「反串」現身。

提到早前擔任模特兒影婚照，加上近年不少朋友結婚，Fish直言不少朋友向她「催婚」，令她也思考自己是否已到適婚年齡，Fish說：「身邊朋友紛紛步入婚姻殿堂，大家都會開始問我幾時結婚呀？想唔想結婚呀？」不過單身的她並未就人生大事太過着急，她直言：「我嘅答案都係隨緣啦，你要遇到一個啱嘅人冇咁簡單嘅，身邊朋友好幸運可以遇到另一半，我都好替佢哋開心。」雖未遇到Mr Right，但Fish表示已諗好自己的婚禮：「唔係個個都咁幸運會遇到，我會憧憬婚禮可以搞一個party，唔使畀禮金，來玩同食嘢，有泳池有live band，開開心心咁玩。」