【回到未紅時】曾被麥玲玲嫌「雜」　農夫：我哋係冇廉恥

更新時間：18:37 2021-04-05 HKT
發佈時間：23:50 2021-04-05 HKT

農夫為麥玲玲及Bob主持的《Master's Talk師父有請》擔任嘉賓。

農夫為堪輿學家麥玲玲及林盛斌（Bob）主持的《Master's Talk師父有請》擔任嘉賓，提到從合作電台節目而認識，當年的嘉賓主持麥玲玲更自爆入到錄音室，見到未有名氣的農夫即謂：「點解今日錄音室咁雜嘅？」後來C君表示識少少睇相，還經常向她請教玄學上的問題，自此視對方為徒弟，並向C君教授玄學風水命理。對於被嫌「雜」都照樣做節目，C君笑稱：「我哋唔係冇自尊，係冇廉恥。」麥玲玲即補充：「佢哋寫嘢係幾叻，不過佢兩個當時好窮，窮到我叫佢哋不如正正經經搵份工啦，點知佢哋話其實Rapper係一份工，當時我咩都唔識，唔知Rap同數白欖有咩分別。」

農夫同麥玲玲好老友，早年三人仲合唱一曲《風生水起》。

今集《師父有請》的主題是「凶宅」，陸永和C君謙稱自己連「凶宅」都買不起，麥玲玲笑稱自己有點怕，做不到「凶宅大王」，只能做「胸襲大王」，C君搞笑說：「嘩，你咁樣對安德尊？胸襲大王，所以李錦聯先咁嬲，佢心諗：『做咩唔益我呀？』」

隨後，農夫分享在雲頂及英國的靈異經歷，Bob表示曾去過九龍塘一間4,000多呎的豪宅，比同區的平一半租，後來他問過附近的看更，原來左邊有佛壇，右邊有佛堂，當時詢問過師傅，認為他最好另選住處。麥玲玲解釋說：「廟前窮、廟後富、廟左廟右出寡婦。口訣係咁，但實際情況都未必一定，要靠有經驗師傅去睇。」