同石詠莉因按摩撻著鄧健泓超介意老婆打扮性感

更新時間：16:04 2021-03-04 HKT
發佈時間：16:15 2021-03-04 HKT

鄧健泓自爆同石詠莉相識第一晚，女方已為佢按摩。

由阮小儀主持的《小儀與13型男》請咗鄧健泓做約會對象。鄧健泓在節目中經常提及太太石詠莉，還自爆兩人相識的第一晚，太太已為他按摩：「佢係美容師，相識第一晚同我手部按摩，適逢夜晚又浪漫，感覺好舒服，一舒服就舒服咗八年。」鄧健泓還大讚太太性格溫柔：「我有好多朋友都話，佢好似集合晒我過往女朋友嘅優點。」

兩人於2017年結婚。

其實鄧太已經好耐冇性感過，要搵性感相要搵到去07年嘅Freeze年代。

此外，鄧健泓還透露非常介意另一半打扮性感，試過有次上節目，一早講明服裝要經他過目，但導演在未告知的情況下安排太太着Deep V晚裝，於是他當場拒絕，最後經過溝通老婆才不需要以性感打扮亮相。

自認性格「大男人」的鄧健泓表示每次家庭聚會都負責「埋單」，有次家姐「埋單」，竟令他感動到喊，笑言：「其實我都好想有人錫。」