【另一半係富二代】過來人安慰袁偉豪陳山聰激動落淚：係咪代表錯一世　　

更新時間：19:53 2021-02-22 HKT
發佈時間：15:31 2021-02-22 HKT

姚子羚、陳山聰、袁偉豪和謝東閔各有經歷。

「Crazy Runner」陳山聰、袁偉豪、姚子羚和謝東閔作客林盛斌與麥玲玲主持的節目《師父有請》第三集。麥玲玲開名指陳伶俐首次到現任丈夫的豪宅時，嚇到出家門就已經嗌分手，幸好最終都有情人終成眷屬。姚子羚亦謂：「我都有試過有一任男朋友好有錢，門外有兩個保安守住，一入屋大家叫佢少爺嗰種，屋企仲有𨋢添。」
當提到另一半是富二代，袁偉豪直認跟張寶兒一起之後面對不少壓力，「其實我唔睇嗰啲報道真係冇嘢，睇咗反而唔開心。因我性格係好硬頸，咩都駁嘴…咁層樓我唔使供咩？我都要搵錢，我都要keep好個樣出嚟，點知又被你班人話面膠、醜男！」
陳山聰亦直言自己是過來人，經常都會安慰袁偉豪，將經驗分享，提到往事，他說：「呢件事係令到我成長，感恩遇過呢件事，一千萬人都未必會遇到一次！當時封面多到好誇張，最唔開心係令到屋企人唔開心、媽咪好擔心，好彩今日有兒有好老婆，佢哋好安慰。」

姚子羚、陳山聰、袁偉豪和謝東閔作客《師父有請》分享感情經歷。

陳山聰提到兒子時，不禁激動落淚，說：「我曾經做錯事或者做錯一啲決定，係咪代表一世都要錯呢？當我個仔仲喺老婆個肚入面，我老婆同個仔講：『你第日一定要學到你爸爸嗰種堅持同勤力……』，大家都知我係隻牛，多謝呢段日子以來，呢班兄弟好信任，大家關係係一世。」
各人又表示Crazy Runner關係非常好，謝東閔坦言女友朱智賢出狀況的時候，他第一時間都是找山聰和袁偉豪傾，更謂感情經歷過一些事後會更加穩固。