帶女友遊大澳慶生 37歲洪永城太浪漫被何超蓮催婚

更新時間:16:47 2021-02-03 HKT
發佈時間:18:00 2021-02-03 HKT
洪永城為女友拍打卡靚相當生日禮物。
洪永城為女友拍打卡靚相當生日禮物。
洪永城與梁諾妍(Inez)拍拖兩年,感情穩定,亦早已開始同居生活。昨日是Inez的33歲生日,洪永城就帶壽星女去大澳一日遊,慶祝生日兼過二人世界,拍下不少打卡靚相。
洪永城鏡頭下的女友。
洪永城鏡頭下的女友。
梁諾妍上載洪永城摸貓片段。
梁諾妍上載洪永城摸貓片段。
洪永城在IG分享女友照片並留言:「名牌嘅禮物故然要啦,不過其實好多女仔心中嘅理想禮物,可能簡單如男友幫佢影一張「靚相」就已經心滿意足。今日我做到喇!祝你生日快樂,永永遠遠都開心知足。」雖然冇Post合照,但字裏行間都感受到兩人有幾恩愛。


Inez亦有在IG限時動態分享拍拖遊大澳的片段,兩人為街上的貓咪拍照,又一齊去睇日落,相當浪漫。好友張繼聰、黃翠如都有留言讚兩人愛得甜蜜,而陳煒乘機催婚:「咁慳皮㗎,起碼都要有求婚戒指啦」、洪永城機智回應:「有冇介紹先?」賭王千金何超蓮亦有追問:「幾時有得飲呀」洪永城說:「你成日唔喺香港好難請到你喎!」洪永城與何超蓮曾於18年齊赴冰島拍攝護膚品牌而成為朋友。
梁諾妍為大澳貓貓拍照。
梁諾妍為大澳貓貓拍照。
洪永城與梁諾妍去大澳拍拖睇日落,相當浪漫。
洪永城與梁諾妍去大澳拍拖睇日落,相當浪漫。

昨日是梁諾妍33歲生日,一眾好友為她準備蛋糕慶祝。
昨日是梁諾妍33歲生日,一眾好友為她準備蛋糕慶祝。