【離婚後現身】習慣單身生活林曉峰談康子妮：做返有距離朋友更開心

更新時間：19:49 2020-11-15 HKT
發佈時間：19:06 2020-11-15 HKT

林曉峰經過多月來沉澱，已習慣了單身生活。

林曉峰(阿Lo)和康子妮早前結束18年婚姻，林曉峰今日為viutv節目《調查男女》擔任主持，是他離婚後首次出席公開活動，他心情ok表示已習慣單身生活，稱現在這個選擇是大家都開心的，指離婚是雙方協議，事前有告知兩個兒子，但問到是何時下決定？他避談說：「唔記得喇！𠵱家開心就唔要再諗以前嘅事，我以前就係顧慮得太多，介意太多，𠵱家經歷咗咁多事，要重拾真正嘅自己，做返有距離朋友更開心。」

對於傳過黃翊係第三者，又傳保險上司陳逸汮係康子妮新歡？阿Lo維護說：「唔係事實唔回應，但如果佢有新戀情一定會祝福。」又指自己都不抗拒接受新戀情，笑謂有幫襯康子妮買保險，一定會支持她。不過，對於卻有報道指他的家人嬲咗康子妮，他否定說：「我理解傳媒會創作好多唔同版本嘅故事，咁先會吸引人去睇。」

講到好友錢國偉離世一事，林曉峰會用一個理性的態度去面對，相信他是去了一個更開心的世界，並大讚對方是他認識的人當中，意志力最堅強的人，一直都沒有放棄過，奈何最終不敵病魔。他坦言比較緊張錢國偉的女兒，「我係佢嘅契爺，佢嘅情緒尚可，但一定會想念爸爸，要慢慢適應，我都花多咗好多時間同佢傾偈及見面，我明白大家都需要工作，但希望大家喺出殯當日保護佢，始終小朋友要突然面對咁多人會不知所措。」至於錢國偉遺孀陳宛蔚經濟上可會問題？阿Lo表示，身邊有朋友需要幫忙或開到聲，做到都一定會做。

另外，鄧健泓和石詠莉首次夫妻檔參與遊戲節目，鄧健泓提到有分歧時都是由他讓步，又說剛開始接觸社交網時，試過因為對某位靚女的相畀like而令石詠莉黑面呷醋，笑言要即場當面unfriend對方。