【頭條獨家】新歌獲四台流行榜冠軍陳凱詠成環球新寵仍自卑

更新時間：07:44 2020-10-22 HKT
發佈時間：11:30 2020-10-22 HKT

《天生二品》MV中率性而為嘅畫面，係阿Jace平日嘅寫照。

環球唱片歌手陳凱詠（Jace）之前派台歌曲《天生二品》成為四台(港台、商台、新城、ViuTV 《Chill Club》) 流行榜冠軍歌，成績非常好。陳凱詠唔敢話自己係公司新寵，只說：「都係咁做，今年係唔容易嘅一年，疫情期間依然有歌出經已好感恩！」採訪：方騫平

顧定軒同陳凱詠識於微時，兩人互相支持。

陳凱詠面對鏡頭時最有自信。

《天生二品》對陳凱詠來說別具意義，因為是她跟音樂人馮翰銘及Hirsk聯手創作嘅作品，並交由鍾說填詞：「首歌有咁好成績，得到咁多人喜愛同支持，令到我成個人多咗自信。不過，始終現場演唱機會唔太多，實戰經驗唔夠，技術上仲有好多進步空間。疫症期間都比較多留喺屋企，留待遲啲先補慶祝。」

陳凱詠嫌作歌冇江海迦(AGA)咁好。

Jace又話自己唱歌冇李幸倪（Gin Lee）咁好聽。

要增加自信
新歌係講無論天生特質係點，就算次品都好，只要接受自己天生嘅特質，都會變得好獨特：「填詞人太了解我，尤其寫到『我叫某某，要我更瘦，卻怕太似怨咒，眼圈太大，遮遮砒霜，化作正常…天生就別要自卑。』呢啲係畀我同埋聽眾好好嘅忠告，要畀多啲自信自己。」問她有乜咁自卑？Jace即說：「唔夠靚，唔夠叻，彈琴冇涂毓麟（Oscar）咁正；作歌冇江海迦(AGA)咁好；唱歌冇李幸倪（Gin Lee）咁好聽。」講完後，Jace又認為咁樣比較冇意思。 MV中陳凱詠會彈來彈去聽歌冇時停：「呢個畫面似係我屋企嘅寫照，我會賴床、歌播到好大聲、喺睡房度周身扭，不過，有時53歲阿媽會好high咁同我一齊跳，佢教我跳Cha Cha㗎！父母係我Top Fans咁，似我經理人咁，乜都問到好清楚，等我第日叻啲嘅時候，先叫佢哋出嚟分享我嘅舞台。」