去林凱恩生日會同郭嘉文friend咗江嘉敏另結姊妹情

更新時間：11:50 2020-08-21 HKT
發佈時間：11:23 2020-08-21 HKT

江嘉敏及鄺潔楹跟郭嘉文一見如故，好Friend。

馮盈盈（FYY）早前被影到參與「豪華船P」，因而認識到賭王四房兒子何猷亨，事後FYY爆係江嘉敏(karmen)安排上船去認識朋友，呢個「釣金龜」羅生門事件演變姊妹互插，反面收場。不過，江嘉敏不愁沒有好姊妹，之前因拍劇集《食腦喪B》同林凱恩（Iris）friend咗，趁住Iris生日，江嘉敏喺生日派對上結識咗壽星女閨密，即城中富豪「小超人」李澤楷女友郭嘉文（Karmen），當晚應邀一起慶祝的，還有《愛回家》「Venus」鄺潔楹（Judy）。

憑無綫處境劇《愛‧回家之開心速遞》中Bonnie一角成功入屋嘅林凱恩，與郭嘉文因參選2015年港姐成為好友，縱使Karmen淡出娛樂圈，但完全冇忘本，同Iris keep住係好姊妹。

江嘉敏同林凱恩玩得好埋，因而識咗一啲新朋友，包括郭嘉文。

郭嘉文出錢又出力幫閨蜜林凱恩安排一個五星級嘅生日會。

本月17日係林凱恩28歲生日，今日凌晨，她喺社交平台大晒跟郭嘉文、江嘉敏、鄺潔楹於中環五星級酒店房開生日派對相片，眾人為壽星女悉心佈置房間，着deep v衫嘅壽星女林凱恩驚喜到掩晒嘴，江嘉敏、鄺潔楹更玩得相當投入，高頻音量顯得相當興奮，就算同郭嘉文唔多熟，都擋不住嗰股熱情！相對郭嘉文好淡定，溫文爾雅。

林凱恩用「我的寵兒們」形容3個好姊妹，並說：「我可能是全世界最幸福的人，我不用當女神，因為我有她們在我身邊，如果我不傻的話，這個驚喜不會這麼成功，我太好騙對不對~~就是傻才會這麼愛妳們，請繼續讓我寵幸。」江嘉敏亦有轉發4人一齊開生日Party影的照片及短片，積極地不停回應留言。