拍開電視《無署不在》殺入街市余香凝論盡整腸粉玉手受罪

更新時間：02:23 2020-07-10 HKT
發佈時間：10:00 2020-07-10 HKT

Jennifer 整布拉腸粉時，顯得雞手鴨腳。

余香凝（Jennifer）日前為周志文和黃芳雯主持的香港開電視新節目《無署不在》擔任嘉賓，走訪大埔墟街巿及粉嶺聯和墟街巿，期間余香凝即場食榴槤、捉海觧，又試整布拉腸粉，玩得相當開心。Jennifer表示小時候很怕跟媽媽到街市，因為地上又濕又骯髒，但現在的街巿已經變環境整潔及寬敞，而且冷氣十足，令她也愛上逛街市，她說：「其實街巿係一個好有人情味嘅地方，好似今次拍攝，有個賣生果嘅姐姐，知道我鍾意食榴槤，即場開一個請我食。」

Jennifer獲賣生果姐姐，請食至愛的榴槤。

Jennifer 膽粗粗去海鮮檔捉六斤重阿拉斯加長腳蟹。

拍攝期間，Jennifer更膽粗粗去海鮮檔捉六斤重阿拉斯加長腳蟹，不過事後她謂：「細個我曾經被蟹鉗夾傷過，所以今次要拎住咁大隻蟹，真係好驚。」除了捉蟹之外，Jennifer又跟師傅學整布拉腸粉，平時表現淡定的她，在廚房即顯得雞手鴨腳，更差點被蒸氣燙傷手，她表示：「見師傅整腸粉好易，但親自落場就知原來好難，我一打開個蒸籠，即被蒸氣燙傷手，差點起水泡。其實我本身有入廚，但每次走進廚房都會偏向容易受傷，唔係燙傷就切親手，試過有次煲湯，唔知點解可以被煲蓋個排氣口燙到手指起水泡，如果將來我要做個入得廚房嘅職業女性，我諗我要加倍努力先得！」