【頭條戲場】《白頭山:火山浩劫》特技好勁唔好駁戲
更新時間:00:05 2020-01-09 HKT
發佈時間:23:58 2020-01-08 HKT
發佈時間:23:58 2020-01-08 HKT




河正宇由頭跑到尾
電影有五粒大星撐場,河正宇飾演南韓EOD爆破隊成員趙仁昌,而李炳憲係北韓軍事情報軍官李準平,馬東石今次唔做猛男做地質學家姜奉萊,曾預測白頭山將會再次爆發,所以一直研究應對措施,但當然無人理佢。
另外兩星就係飾演河正宇老婆嘅裴秀智及飾演南韓總統首席秘書嘅田慧振,其實仲有客串一場,收得好埋,飾演李炳憲老婆嘅全度妍。大星加災難點會唔好睇?因為會摧毀南北韓的白頭山爆發,姜奉萊提出可以阻止爆發的黐線方法,原本退役的趙仁昌被迫臨危受命,要去北韓搵李準平收集核武情報去阻止浩劫發生。唔好問點解河正宇可以跑贏地陷速度,唔好理大肚秀智點做到游贏海嘯, OK?戲中河正宇由頭跑到尾又要負責搞笑,辛苦晒。

