經典歌獲熱播獎蔣嘉瑩自爆恨攞新人獎

更新時間：23:20 2019-10-30 HKT
發佈時間：14:30 2019-10-30 HKT

蔣嘉瑩和施匡翹為歌迷簽名和影相。

歌手蔣嘉瑩當年憑亞視經典電視劇《我和殭屍有個約會II》主題曲《假如真的有個約會》一曲成名，其後因學業放棄在歌壇發展。最近她與小師妹施匡翹推出《假如真的有個約會》合唱版，她們出席歌曲簽名會時，對於原曲版在「第四屆VIP音樂榜頒獎禮」奪得「熱播經典獎」，蔣嘉瑩笑言等攞獎等咗好耐，並希望有機會攞新人獎，她解釋當年出道年紀少不知得獎是什麼一回事，所以今年把心一橫復出，意義重大。

蔣嘉瑩開心奪得VIP音樂榜「熱播經典獎」。

施匡翹直言見證師姐蔣嘉瑩得獎一刻，令她回想加入公司時得知可跟對方推出合唱版，心情既興奮又害怕。她說：「始終一定有比較，好彩師姐不停鼓勵我，佢得獎一刻我都好感動。」在旁的蔣嘉瑩笑說：「以後呢首歌你都有份，可能做咗你嘅經典呢！」

早前因患上肺炎而未能出席與施匡翹一齊舉行的音樂會，蔣嘉瑩坦言感到好可惜，幸現時身體已好番好多，只是體重輕了7磅，而兒子也反覆發燒，她說：「𠵱家公司考慮緊幫我再開騷，希望多啲機會見大家啦！」