求救首選朋友鄭欣宜：許廷鏗有第六靈感

更新時間：21:41 2019-07-21 HKT
發佈時間：21:40 2019-07-21 HKT

欣宜又指，曾被鄧小巧的一番說話啟發。

鄭欣宜日前接受香港開電視《娛樂頭條E-news Headline》主播馬梓軒（William）專訪，當被問到構思新歌《救命歌》時，是否曾與負責填詞的藍奕邦爭執，欣宜直認不諱，表示：「起因係Everything is alright同埋Love is always inside呢兩句歌詞！當時阿邦好堅持話呢個世界上，係唔會有人伸隻手出嚟摸你個頭同你講呢啲說話，除非自己救自己！然後我同佢講，就用救自己呢個方向啦！」

無論欣宜與親人還是朋友相處，向來都是報喜不報憂，若需要求救首選找朋友，欣宜透露：「好少係我搵許廷鏗，通常佢搵我！佢好似有第六靈感，會感覺到我有啲唔妥，跟住就會自動搵過嚟！」欣宜又指，曾被鄧小巧的一番說話啟發：「我有一次同佢講，我真係好討厭自己咁情緒化，因為好易攰！佢就話我地一定要保持sensitive，咁先能夠喺唱歌講故仔嘅時候感動到人！」欣宜又感慨現時很難在樂壇生存，覺得歌手沒太多宣傳歌曲的渠道。