【片段】孖張繼聰尖嘴自彈自唱周國賢唱《目黑》冧老婆

更新時間：13:43 2019-02-15 HKT
發佈時間：12:22 2019-02-15 HKT

張繼聰唱《每天愛你多一些》冧老婆謝安琪。張繼聰ig截圖

張繼聰趁情人節為求令老婆謝安琪過得難忘，在尖沙嘴自彈自唱，令老婆笑逐顏開。原來周國賢都有一起自彈自唱冧老婆！

張繼聰在社交網站上載多段影片，除了有自己自彈自唱的片段，亦有好友周國賢自彈自唱的片段。張繼聰留言話：「講都無人信，仲要撞到Endy同阿嫂 😂 氹老婆嘅嘢，梗係搵啲志同道合嘅人一齊啦（主要係互相拍片）」

從片段可見，周國賢身穿黑色西裝型爆自彈自唱，唱自己的首本名曲《目黑》，唱至最後更擺出型爆ending pose，惹來一班圍觀人士激動歡呼。

原來兩人的演唱片段是互相幫對方拍攝，兩位好老公一起出招氹老婆，認真有愛！

周國賢亦有在社交網站上轉發片段，留言話：「兄弟，記得對上一次同你喺街Jam嘢，係2003年~! 呢16年過得好快～希望下次再喺街同你一齊唱歌，唔使等16年，Love You Bro!」原來兩人已經多年沒有合作，連粉絲都留言話想兩人多些合作，有人更指若他們一起舉行演唱會，自己一定會去支持。