想愛女有伴郭富城: 最多生4個

更新時間：23:25 2019-02-08 HKT
發佈時間：16:47 2019-02-08 HKT

大會安排城城乘坐吊臂出場，更升高至2層樓。

郭富城出席一個新年活動，大會安排他乘坐吊臂出場，更升高至2層樓，非常有氣勢。城城上台後即大講祝福語和大家拜年，並接受中西財神送上大利是，又為金龍和醒獅點晴，場面熱鬧。同場的堪輿學家李丞責講解城城新一年的運程，指今年地產反覆，加上城城驛馬星動，可以買車買樓，但就要坐多點揸少點。城城則指有了家庭後，揸車都比以前慢，笑指囡囡在後座很安全，不過當城城主動提起家庭後，司儀葛民輝即說：「講得咩？小美話不講得架，是他自己提的！」城城則笑言開心事可以和大家分享，現在不是小朋友，已經是大人，是爸爸。

城城接受訪問時表示，今年能放約2星期年假，新年去了媽媽家食飯，指媽媽每年煮團年飯都很辛苦，故今年就叫到會，不用她太辛苦，又指囡囡Chantelle已經識叫嫲嫲，所以媽咪見到孫女時更開心。問他今年會否再送豬仔或豬女給媽咪？城城笑謂無所謂，最重要囡囡有個伴，囡囡亦無話想要弟弟或妹妹，有時會掘著媽咪的肚子，他說：「太太是獨女，知道只有一個會比較孤獨，她都希望多點小朋友，我也很喜歡。（想生幾個？）順其自然，我有5兄弟姊妹，但現在年代不同，最多生4個。（像媽咪一樣生5個？）都有考慮過，媽咪當年照顧我們都辛苦，但我工作忙，怕時間分配得不好，而且都要尊重太太，最重要開心熱鬧。」又說現時才知道甚麼是幸福，笑言以前有工作就覺得幸福，但現在有工作、有家庭、有小朋友才是真正的家庭幸福，他說：「今年都繼續忙巡迴演唱會，又有4部戲上映要忙宣傳，可能會好累，但都會努力工作，做個上進、有責任感的好爸爸。」