董敏莉瑜伽舒緩「媽咪手」為湊女暫緩「復工」大計

更新時間：18:24 2019-02-07 HKT
發佈時間：17:33 2019-02-07 HKT

董敏莉向瑜伽導師陳如楓(左)拜師學藝。

董敏莉日前拍攝「香港開電視」娛樂新聞賀年節目「年年有瑜」，向瑜伽導師陳如楓拜師學藝，學習親子瑜伽之餘，順便產後修身。董敏莉就話做運動，同時可以陪愛女子子，作為全職母親感方便：「最近想操番個身體復工，電台同事都有問我幾時返去開咪，但係我真係唔捨得個囡，之前就計劃過年後，不過依家都想再推遲少少。」

導師教Monie幾招瑜伽動作，拉鬆背肌之餘，舒緩全職媽媽的疲勞，董敏莉就話依家全副心思集中在愛女身上，未有考慮「追多個」：「因為陀B時我照到有肌瘤，所以醫生都話要搞掂晒先可以諗下一胎，所以唔計劃得太長遠！」。

董敏莉自產後作全職媽咪，因操勞過度患上媽媽手：「我之前連擦牙、洗頭都痛到郁唔到，叫老公幫手睇住個囡，點知老公都話佢開始有爸爸手，開始感受到我嘅痛楚，睇黎要搵一個三人行嘅親子瑜伽。」