拒答是否早知卓林結婚吳綺莉：其實唔係一件壞事

更新時間：21:27 2018-11-26
發佈時間：18:32 2018-11-26

吳綺莉在19歲女兒吳卓林於網上公佈與女友Andi結婚後，她更新社交平台Po與友人午膳及獨自望海背影照，飯後獨自開車回家。約下午3時半，吳綺莉面對在其寓所外守候的記者，全程保持笑容。
被問到心情？吳綺莉說：「開工呀聽日。（囡囡結婚知唔知？）講做嘢得唔得呀！（囡囡結婚點睇？）冇乜點睇。（返嚟呢幾日有冇見？）有，前日見過。（祝福佢哋？）每個人都希望每個人好嘅，點解唔祝福人呢？（之前已知？）唔講啦，聽日開工。（有傳囡囡財困所以返港？）唔答啦，唔該晒，聽日開工。（點睇同性婚姻？）我好多朋友都係，冇乜點睇。（同佢哋食餐飯慶祝？）等我開完工得閒先。（即係接受咗？）冇乜嘢接唔接受不嬲都，每樣嘢都順其自然。」
問到卓林返港是交代結婚還是其他原因？吳綺莉說：「唔講啦，真係唔該晒。」至於卓林留港發展定會返加拿大？吳綺莉就話：「大個女啦，我覺得大家有大家工作，我依家希望專注返多啲喺自己做嘢方面。（同佢關係改善？）朋友，都話佢永遠係我最好朋友，畀多啲時間我做自己嘅嘢，其實都唔係一件壞事。（想同佢哋一齊住嗎？）所有嘢都係順其自然，依家大人嚟㗎，希望喺我生活入面搵返自己多啲嘢嘢。」雖然她坦言見過Andi，但問到對其印象？吳綺莉謂：「都話唔講啦！（佢哋結婚你都知？）都話咗乜唔講。」吳綺莉謂要講的已講，不想嚇親鄰居，怕被要求搬走，現只講她想做的事，如開畫展、出畫冊及多次提及的明日開刻，希望多些人找她工作。再被追問她們結婚是否知情？她笑說：「都話唔講。（講嚟聽吓？）唔鍾意講喔。（佢有冇同爸爸交代？）都話咗乜都唔講，依家只Sell吳綺莉。」（攝影：朱偉彥）