《翠絲》入圍東京電影節姜皓文落足心血演跨性別者

更新時間：17:24 2018-09-25 HKT
發佈時間：15:25 2018-09-25 HKT

《翠絲》劇照

惠英紅、姜皓文（黑仔）主演的新片《翠絲》以跨性別為題，成功入圍《第31屆東京國際電影節》亞洲未來單元競賽電影，角逐其中獎項。黑仔為演活跨性別角色花了很多心血，得知電影入圍電影節後，感到心情複雜。他說：「因為拍攝時真係用咗好多心機落去，亦都有影響過自己情緒。依家入到一個國際性嘅電影節，真係好開心。」

電影即將於11月上映，是否打了一枝強心針？黑仔謂：「台前幕後拍攝呢部電影時交出最好嘅自己其實已經有交代，希望觀眾都會喜歡呢部電影，呢部係我從影生涯中其中一部最重要嘅作品。」他亦表示會帶太太一同出席東京電影節活動，「拍攝《翠絲》期間我好大壓力，逼到自己好緊，太太一如以往地咁支持我，所以我會同佢一齊出席，佢喺度我個心都定啲。」

另外，《翠絲》的先導海報及預告同步曝光，表達男兒身的主角對跨性的渴求，預告則簡單交代了故事主角的背景，最後一幕中更見黑仔穿了一件粉色睡袍，戴上髮網及抽煙。