黃宗澤否認同「大食」陳嘉桓拍拖：當佢係仔

更新時間：23:54 2018-07-05 HKT
發佈時間：18:59 2018-07-05 HKT

黃宗澤（Bosco）出席品牌新店開幕活動，並透露品牌將為其新開的食肆設計制服。盛傳與陳嘉桓暗交半年的他，之前被拍得二人的座駕前後駛回Bosco新居，近日女方又把車子停在Bosco的住所樓下，對此Bosco再次斬釘截鐵否認戀情及發展機會。

當記者恭喜Bosco時，他即說：「恭喜我新居入伙啦！（愛巢新居？）唔係，係因為最近搬了新家，每日都有不同朋友到賀。（陳嘉桓是否幫助招呼朋友？）不是，她只上過來一次。（即係被影到前後車回家那一次？）對呀，係同一日的事。總之我們不是拍拖，我是single，要發展也先發展事業，最近既要搬舖、又要度新菜單，開新店7位數（以百萬計）是走不掉的。（陳嘉桓有否給予意見？）沒有。（媽媽對陳嘉桓的評價如何？）她上來時，係有見過面，但當時媽媽係見到我好多朋友，個個一樣沒有特別，不會逐一評分，媽媽也沒有誤會我在拍拖。」

說到以為他事業愛情兩得意，Bosco笑稱邊度有咁爽，重申仍是single，叫大家不要誤會及對緋聞太過緊張，並以好朋友來形容二人的關係。提到報道又指曾志偉和苗僑偉曾勸喻Bosco要善待陳嘉桓，否則將有許多人為女方出頭，會否因此卻步不追求？Bosco竟爆料道：「唔關事。（陳嘉桓不是你喜歡的類型？）我們成班朋友都叫她做『恒仔』，話明係仔嚟㗎喎！」問到二人真的沒有發展可能？Bosco再直指沒可能，因視對方為男仔，亦不怕這樣說會傷到對方，更不用傾談報道內容，因彼此都知道沒甚麼，只是正常社交，因此也不會避嫌不見面，否則就不是朋友，三度強調自己現在單身。

提到舊愛日模Jun，Bosco立即說要轉話題。問他何時找個女伴？他反問大家有沒有好介紹？聽到記者口徑一致說出陳嘉桓的名字，Bosco竟再爆料說：「仲來？話明當她是男仔，而且她還有個花朵叫『大食』呀！是指食飯好食得。（驚被食窮？）又唔驚，我有咁大間餐廳響度。」