陳展鵬否認同袁文傑鬧不和 唔驚新劇硬碰世盃
更新時間:15:57 2018-06-26
發佈時間:14:22 2018-06-26
發佈時間:14:22 2018-06-26
提及劇情,譚俊彥大爆陳展鵬多激情戲,陳展鵬笑笑解釋激情戲是他與其他男演員拍,跟女演員演甜蜜戲。譚俊彥亦笑說:「我身邊全部都係太監。」問到拍激情戲是否要太太批准?他笑說:「無話唔得,電視尺度又唔會太離譜。不過太太話會10倍奉還,佢都係藝人嘛!不過都係唔好,費事小朋友睇到問點解唔係攬住媽咪。」
此外,有報道指陳展鵬跟袁文傑不和,陳展鵬笑謂:「都係時候喇!我咁悶,有新聞畀我宣傳套劇。等我又回應吓啦,我同傑仔盡在不言中,佢今日有事,所以嚟唔到宣傳,唔係因為我哋唔妥。下次你哋又可以問吓佢,幾好。」
李施嬅就希望觀眾多多支持新劇,因她已經有兩年多無劇出街。至於首播撞正世界盃,會否覺得運滯?她笑稱:「真係天命,大家去睇返,我拍到甩頭髮,大家要支持我。」另外,她計劃跟好姊妹姚子羚、胡蓓蔚到泰國進行洗滌心靈之旅,會多拍泳衣照,指這是重要節目之一。