同王菲點樣慶祝佳節？謝霆鋒笑笑口：日日都係節日

更新時間：22:12 2017-12-27 HKT
發佈時間：17:13 2017-12-27 HKT

謝霆鋒昨晚在北京出席活動後，今午與助手飛返香港，便裝示人的他戴著黑超、Cap帽，笑笑口心情不錯。問霆鋒怎樣慶祝聖誕？他回應：「冇乜嘢喎，噚晚去君如個首映嘛。（有冇去Party？）我唔Party㗎，日日都係節日。（除夕有冇節目？）除夕咩嚟㗎？我年年都係咁過㗎喇。」再問他與女友王菲點樣慶祝佳節？他再說：「日日都係節日。（喺聖誕節有冇見兩個囝囝？）唔話你知。」

老竇謝賢被傳與拍拖12年的32歲女友CoCo鬧分手，霆鋒表示不知情，會約老竇見面。問會否安慰對方？霆鋒謂：「唔使啦，佢咁大個人。」提及第4季《鋒味》的素食女廚師Daphne拒煮肉而被Foul，霆鋒稱不會再回應事件，「我支持任何習慣，規矩唔係我定，呢個係比賽，比賽仲喺世界各地搞緊。」他續說明年1月7日在北京舉行最後一場比賽，最後3強爭奪獎金180萬。