何廣沛、蕭正楠、曹永廉在片場做臨記激親蝦頭。(電視截圖)無線新劇《超時空男臣》講「袁崇煥」蕭正楠、「左光斗」曹永廉及小太監「李進忠」何廣沛,從明朝穿越來到現代,鬧出不少笑話。在劇集未播出前已預告楊詩敏(蝦頭)咀勻3位「男臣」,蕭正楠更唔怕女友翠如嬲豬,讚蝦頭「好咀,好回味!」3男臣以為錫錫可令女方唔再嬲。(電視截圖)蝦頭發火(電視截圖)昨晚《超時空》播出第2集,話咁快就有得睇Kiss Kiss戲。劇情講到飾演片場臨記組長「霞姐」的蝦頭,聘用蕭正楠3人做臨時演員,不過本身係大將軍的蕭正楠唔肯拍下跪戲,連累蝦頭被人鬧;曹永廉問人借手機學習現代的新事物,睇到情侶吵架後,男方錫錫即可令女方唔再嬲嬲。咁啱3人又再激嬲蝦頭,自動波輪咀,令蝦頭下火,仲耍冧話「對唔住,霞姐」,場面搞笑。之後蕭正楠又使出咀嘴一招對付發火的田蕊妮,咀到拗晒腰扮浪漫愛情劇,再放笑彈。蕭正楠女友黃翠如都有撐新劇,細心Cap晒Kiss戲的圖片,留言話「好浪漫」,有冇呷醋㗎?曹永廉、何廣沛自動波輪咀蝦頭。(電視截圖)蝦頭又驚又開心。(電視截圖)