任何年代影嘅相，黃智賢都係「十年如一日」。倉底劇《蘭花刼》攝於10年前，雖然畫面低清冇乜吸引力，不過論演員班底，有蘇玉華、唐寧、陳錦鴻、黃智賢、胡定欣等等，都係一套重頭劇。與昔日時光對比下，劇中主角都獲網民大讚「冇老過」，再次受到注目。早前宣傳《蘭花刼》，睇到三位主角都Keep得好好。在劇中飾演蘇玉華老公的黃智賢同樣襟老，現年49歲的他，在演藝圈經過高低起跌，難得外貌依然「十年如一日」。其實黃智賢入行時當了5年《閃電傳真機》主持，努力爭取下，接拍經典長劇《真情》飾演木獨的「阿海」。離開過無線，又拍過亞視劇、轉戰過內地市場的他，重返無線後終於熬出頭，在《親親我好媽》中當上男主角，該劇最高收視有30點，口碑相當好。
