二人看辣妹跳舞笑到停唔到。杜汶澤主持的奇妙電視節目《杜汶澤食住上》，邀請好友作客，爆娛樂圈秘聞。早前阿澤找來王宗堯擔任嘉賓，二人除了大談年輕時代的夜蒲史外，阿澤更藉機向宗堯迫供，論盡多位前度女友。王宗堯身邊不乏美女相伴，當中大部分更是嫩模美女。阿澤問到他曾否與「豬扒」拍拖？他直言：「有！一次咁多，豬到嚇親啲朋友，不過個女仔性格好好，好風趣嘅，我係俾佢呢方面吸引到。」阿澤笑指王宗堯不止女人緣旺，更非常識食，前度女友包括陳靜、黎紀君及「浸大E神」楊梓瑤全都是女神級別，羨煞旁人。王宗堯表示：「我條命係生得好好，係『神級命水』。我都幾誠實，有拍過拖就一定會認。」
阿澤向王宗堯迫供，論盡前度女友。去年王宗堯撻著蔡潔後，拍拖僅半年即玩完，談到「被分手」一事，王宗堯難掩無奈：「我都係從報紙得知被分手，對方消失咗一段時間，聯絡唔到，又無講清楚，我唯有接受。」對此，阿澤表示有件事情不吐不快：「當年蔡潔應承接拍我部電影，我哋試晒造型，誰不知開拍前4日，佢突然話唔拍，話驚影響佢內地市場。但最估唔到係轉過頭佢居然同你拍拖。唔敢拍我嘅戲但夠膽同王宗堯拍拖，真係匪夷所思！」
