秋官忙排舞瘦晒　老婆搞飛債未得閒整菜單

更新時間：15:34 2017-05-15 HKT
發佈時間：12:54 2017-05-15 HKT

秋官奉旨同女舞者攬抱。

鄭少秋今個月28和29日就登紅館，舉行入行50周年世界巡迴演唱會，連日來積極排舞練歌的秋官，坦言已經進入最fit狀態，說：「排舞都排到九九十十，如火如荼。但今次演唱會有很多舞步要記，快快慢慢都有10隻舞，其實很吃力。」這日秋官跟12位舞者排舞，身段Fit過同場不少男舞者，但看起來似乎又瘦了一圈。秋官坦言：「最近塊面係削咗啲，可能今次要跳的舞太多，舞步、節奏、歌詞，稍微用神，自然瘦咗。加上保靚聲，平日已少吃油膩、刺激食物，這個月連朱古力、生冷食物，甚至最愛的榴槤也一律禁口，可能食太清，體力消耗大瘦咗。」秋官現已開始飲些營養奶粉，希望食肥少少塊面，務求以最佳狀態上台見大家。

秋官連日落力排舞

秋官排舞搞到瘦晒

問秋官這期間太太會準備甚麼愛心飯盒給他？秋官謂太太一定會安排，但暫時未收到「菜單」，因為這段時間他忙排舞練歌，太太就忙處理「飛債」。他說：「老婆不斷收到朋友訂飛的電話，但個唱飛其實一早已經賣晒。所以真係好感激朋友同觀眾的支持，到依家還有很多朋友想買飛，但真係無辦法，只能多謝大家支持，月尾演唱會，我會盡能力做到更好更精彩，落多幾錢心機，排好佢，做靚啲！」