海報中四子各佔一角，預告各自發展。自從C AllStar年初在頒獎禮上宣佈明年將各自發展後，今年10月的紅館演唱會即成為焦點，事關這將會是他們暫別四為一體前的最後演出。早前拍攝演唱會海報，更打破C AllStar「傳統」，首次不是合照，而且以極罕「低炒」拍攝，服裝亦不再是「4胞胎look」，以全新感覺迎接C AllStar最後一擊！
何建曦（Jase）、釗峰C AllStar出道8年，往日無論宣傳海報或封面照都是四為一體的合照，而且服裝打扮一模一樣，但今次演唱會海報卻「反傳統」，雖然在同一天拍攝，但各自各影相。梁釗峰透露連排位都是破天荒，似乎以海報預告各自發展，他說：「可能因為我哋性格好大分別，所以唔單只要我哋各自影相，仲將我哋放喺海報嘅4隻角，各據一方，就好似4個獨立個體咁！」陳健安（On仔）說：「除咗分開影相，攝影師仲用咗一個好特別嘅角度，就係影下面……」吳崇銘（阿King）抵死笑問：「影下面？」On仔立即更正：「係由下面影上嚟，即係『低炒』！呢個係全世界嘅人都好驚嘅影相角度，偏偏我哋就去挑戰呢個角度。」不過，何建曦（Jase）說出重點來：「其實好啱我哋，『低炒』影得我哋高啲！」
吳崇銘（阿King）、陳健安（On仔）除了全新排位和角度，過往他們的打扮仿如4胞胎，今次實行大改造，根據他們的喜好和個性定了4個造型，其中3位較密實，只有On仔露出一雙強勁臂彎，惹來3子單單打打。King冷嘲熱諷：「唔知點解『有人』最近狂著露臂裝晒麒麟臂囉！」釗峰更直接封他為「步驚雲」，Jase笑說：「我哋3個就秋冬系列，只有佢長期著夏裝！」On仔被圍攻只好傻笑，火藥味不足，反而盡見兄弟情。
