欣賞陳展鵬　單文柔：鍾意正能量嘅人

更新時間：16:05 2017-04-26
發佈時間：15:25 2017-04-26

陳展鵬緋聞女友單文柔（Phoebe）出席活動，她直認緋聞帶挈工作，此活動屬首個賺外快機會。Phoebe讚過陳展鵬有承擔，問此話是否指有傳陳展鵬曾私下向大台高層承認拍拖一事？她則說：「以我所知冇呢件事。（冇拍拖？）一直都係認識緊嘅朋友，報道出街後多咗少少壓力，因工作關係，一般朋友相處都成為焦點，總之依家係認識階段。（見光死？）大家是朋友，冇咩見唔見光死，最緊要做返自己，好多嘢冇確實。（你讚佢有承擔？）我欣賞佢為人，好正面、正直，我鍾意有正能量的人。（如真的拍拖會公開？）將來我事我唔知，依家係認識階段。」

自言熱愛戶外活動的Phoebe被問到有否相約陳展鵬行山時，她稱：「睇大家有冇時間，大家都忙，好多時我都係同家人或朋友去行。（鍾意揸車環島遊多啲？）未試過，想試下，本身唔識揸車。（陳展鵬識。）做女仔唔可以咁主動，通常係爹哋媽咪主動約我出去玩。」

另外，「氹媽咪飲涼茶」的俄仔主持Artem Ansheles同場出席活動，Ansheles稱朋友曾替他改中文名為「安素力」，但因太似奶粉品牌名字而不被接受，現有公開徵求中文名，有很多人給他提議。Ansheles渴望拍戲，很欣賞周星馳與「細細粒」陳嘉佳的演技，但唱歌就很不濟，並自嘲：「我唱歌你就會耳仔流血。」問單身的他是否鍾情略胖的女仔？他稱：「都可以，我的擇偶條件係正面、開朗、靚女，最重要是性格。（想同細細粒合作？）好想好想，她是非常好的藝人，非常開朗，我比較鍾意搞笑嘅人，有得一齊做戲會非常開心。」