惠英紅演腦退化症獲提名　憶起亡母心情矛盾

更新時間：18:22 2017-01-11 HKT
發佈時間：17:04 2017-01-11 HKT

《第11屆亞洲電影大獎》提名名單出爐，有份角逐影后的惠英紅，早前痛失患有腦退化症的母親，她坦言消息又開心又傷感：「拍呢套戲係想多啲去認識老人痴呆、去認識呢個病。其實亦都有私心，因為我媽咪係老人痴呆病患者，最近佢因為呢個病走咗，希望多啲人關注個病，我先去拍，不過個願望已經達成咗，依家心情係好矛盾。多謝所有人嘅認同，好感激。」
另外，與林家棟、陳小春主演《樹》片的任賢齊獲得影帝提名，他表示相當興奮，並指拍檔們同樣演得很好。小齊說：「我剛剛賽車回來，下機便收到這個驚喜消息。有份提名當然開心，但我覺得其他兩位男主角也演得相當好，可能是我的角色與平日的我反差很大，所以大家覺得比較新鮮才選了我。這部電影，台前幕後缺一不可成功，我今天可以提名，要一一多謝每一個合作夥伴。至於是否可以得獎，我沒想那麼多，對手也很強勁，我可以提名已經很開心了，多謝大家。」
熊黛林憑《擺渡人》入圍最佳女配角，迎戰已拿下金馬女配的《一念無明》金燕玲。首次獲電影提名的「郭太」熊黛林先覺好運：「2017年對我來說係一個好開始，我覺得自己很幸運和幸福。其實有冇獎都係其次，最開心係自己的演技和付出的努力，獲得大家認同。今次拍呢套戲同幕前幕後合作得好開心，學到好多嘢。」
憑《七月與安生》獲提名「最佳導演」的曾國祥感到榮幸：「好開心，每一次部戲有人讚定有提名，都好感激。幫過套戲嘅演員、監製、工作人員，呢個係佢哋嘅功勞。提名名單入面其他導演都係我好欣賞，好榮幸一齊入圍。我特別睇好《哭聲》導演，本身都好鍾意佢。」