三寶心水│「步風影」瞄準千四

更新時間：15:01 2026-09-12 HKT
發佈時間：15:01 2026-09-12 HKT

第七場四班千四米，「步風影」上季初到港時才三歲，出賽三仗獲得一亞一季，表現不俗；今季復課後，操練未間斷，除去眼罩由潘頓親自試兩課大閘，第一課遇上濕慢地，轉彎兜大圈只隨心順走，但第二課出閘搶出，走來一氣呵成勝出，四歲馬已見韁口穩定進步；埋門加課快跳，火氣更旺，狀態已見九分。今期有兩場四班千二米，但伍鵬志只報了「幸運大夫」一駒，「步風影」母線家族見中距離性能，刻意為其報跑千四米，可見心中有馬；同場大多對手狀態未起，有力打開在港勝利之門。

「天比高」上季尾一口氣在此程兩連勝，在總場次817負一三三磅，出閘快速領放，在快步速下一放到底大勝，總時間比當天其中一組四班同程快四線多，表現令人咋舌；復課後試兩課大閘，埋門田泰安加跳，狀態保持，今仗升班負磅轉輕，屬另一爭勝分子。「種得好」在港出戰五仗，除同程排外檔走三疊大敗外，其餘四場都所負不遠；在總場次835，出閘笨拙，最後直路受困，難以望空亦所負不遠，過終點後餘勢不俗；馬匹在暑假保持正常操練，賽前試大閘末段受困，最後望空一湧而上，反應極佳，表現進步與上季判若兩駒，但不幸抽十四檔，作配較宜。

第四場：7幸運大夫、11你知我寶、13鋁主角
第七場：5步風影、13天比高、14種得好