祖馬龍心水│「大番薯」落班搏殺

更新時間：19:17 2025-10-29 HKT
發佈時間：19:17 2025-10-29 HKT

祖馬龍喺馬圈認識嘅所有朋友，大家都有共同目標，逢賽馬日每期一聚，除咗一齊參與掘草皮，仲有參觀騎師室、化驗所與Call馬房等活動。可能朝見口晚見面，彼此友誼日趨穩固。早前大家成立咗一個賽馬團體，大時大節出嚟食飯，或者閒時一齊服務社會，近期祖馬龍亮相《賽馬日在線》，好多支持者都係競駿會友或當年認識到現在嘅馬主。祖馬龍對競駿會嘅唯一挑剔，就係餐廳每逢賽馬日都無炸子雞，不過僅小事一樁。

自從晉身為賽馬會員，祖馬龍可以去唔同嘅賽馬廂房試菜。粗略估計，賽馬日大部分廂房都提供自助餐，提供中菜嘅廂房可能僅佔兩成。即係咁，祖馬龍逢賽馬日都非常忙碌，呢個朋友走來寒暄幾句，嗰個朋友又嚟寒暄多幾句，當一邊跑馬、一邊同朋友吹水，祖馬龍試過成個賽馬日都無時間去享用自助餐。喺祖馬龍眼中，最理想就係食中菜，最好有人服務分餸，如果有人餵埋當然更加方便！
今個賽日跑全泥夜宴，祖馬龍一般喜歡中菜叫餸食飯，一邊食炸子雞一邊飲可樂，因為跑全泥賽除了要評估場地偏差，投注策略又要QT腳拖多幾隻，或者互串保本，既然要睇多幾隻馬，喺進食方面自然節省較多時間。

第二場揸膽要「大番薯」，上場大熱輸得遠，今次落班適逢秋高氣爽，係時候再搏殺。廖康銘搵來愛將霍宏聲，一定出擊；「東方寶寶」連場殺聲震天都接近，評分差不多見底，希望呢場可以執番多少馬本。

第二場 3 大番薯 12 東方寶寶 2 勝在有型
第七場 12 赤壁 11 決一劍 4 德心知遇

↓立即下載星島頭條App↓