祖馬龍心水│「喜尊龍」機會壓一

更新時間：19:28 2025-09-30 HKT
發佈時間：19:28 2025-09-30 HKT

國慶日預計天朗氣清，坊間有一連串免費活動、優惠折扣提供比廣大市民，祖馬龍呢期少睇新聞，不過仍知天下事。唔知由幾時開始，好多時資訊由朋友之間傳來傳去，即使唔上網、唔睇報紙，除非豬朋狗友一個都無，否則食飯時候大家傾兩句，已經可以緊貼呢個社會。

賽馬亦然，有時賽事被刻意安排得形勢緊湊，缺乏可靠重心。不過你有張良計，我有過牆梯，入馬場同朋友嗲兩句收下風，有時好過自己刨。雖然得嘅貼士唔少，但燈嘅貼士更加多，假如唔係要同你死過嘅話，靠耳仔聽貼士可作為Second Opinion。

今個賽日祖馬龍鍾意「喜尊龍」，唔單止我鍾意，潘頓都晨課摸實，賽前兩課大閘都由潘頓執韁，大家切勿畀佢上場敗績嚇走！事實上，佢前仗贏馬嘅蹄下敗將，「幸運派彩」剛剛贏馬交代，707場次嘅賽事水準不能低估，今次國慶日列陣尾場，照計爭勝機會壓一。對手方面則配腳難求，多駒都有不同疑點，計落「嘉應巨昇」算四平八穩，屬合理配腳。

第八場 1 康樂高球 5 遙遙領先 6 潮州精神
第十場 4 喜尊龍 10 嘉應巨昇 11 紫荊拼搏

↓立即下載星島頭條App↓