祖马龙心水│「喜尊龙」机会压一
更新时间：19:28 2025-09-30 HKT
发布时间：19:28 2025-09-30 HKT
发布时间：19:28 2025-09-30 HKT
字体大小
国庆日预计天朗气清，坊间有一连串免费活动、优惠折扣提供比广大市民，祖马龙呢期少睇新闻，不过仍知天下事。唔知由几时开始，好多时资讯由朋友之间传来传去，即使唔上网、唔睇报纸，除非猪朋狗友一个都无，否则食饭时候大家倾两句，已经可以紧贴呢个社会。
赛马亦然，有时赛事被刻意安排得形势紧凑，缺乏可靠重心。不过你有张良计，我有过墙梯，入马场同朋友嗲两句收下风，有时好过自己刨。虽然得嘅贴士唔少，但灯嘅贴士更加多，假如唔系要同你死过嘅话，靠耳仔听贴士可作为Second Opinion。
今个赛日祖马龙钟意「喜尊龙」，唔单止我钟意，潘顿都晨课摸实，赛前两课大闸都由潘顿执缰，大家切勿畀佢上场败绩吓走！事实上，佢前仗赢马嘅蹄下败将，「幸运派彩」刚刚赢马交代，707场次嘅赛事水准不能低估，今次国庆日列阵尾场，照计争胜机会压一。对手方面则配脚难求，多驹都有不同疑点，计落「嘉应巨升」算四平八稳，属合理配脚。
第八场 1 康乐高球 5 遥遥领先 6 潮州精神
第十场 4 喜尊龙 10 嘉应巨升 11 紫荆拼搏
最Hit
