祖馬龍心水│「佳運發」食過翻尋味
更新時間：17:34 2025-07-12 HKT
發佈時間：17:34 2025-07-12 HKT
發佈時間：17:34 2025-07-12 HKT
字體大小
今個馬季確有不少亮點，例如潘頓打破韋達頭馬數字；游達榮季初得十零隻馬，依家手執36W。世事幾無可能都會發生，每場十四隻馬，只要出賽就隻隻都有機會跑出。
回想當初，祖馬龍入行係想滿足吓爬格仔嘅「文字慾」，同時向馬迷分享賽日心水，以及馬場嘅所見所聞。怎料講講吓馬，承蒙前輩、朋友嘅支持，後來獲得難能可貴嘅上鏡機會，在電台節目和賽馬頻道亮相，以不同形式與馬迷互動。而我亦有參與不少線下賽馬活動，一步一腳印，寓賽馬事業於娛樂。
回首季初，「佳運發」在097場次贏得出色，祖馬龍亦有獲利。可惜佢上咗三班後進度放緩，經過一段漫長嘅減分里程，前仗落番四班重拾戰鬥力。去到依家呢個分數，「佳運發」比季初贏馬嘅時候更低，季尾就係博呢一鋪！今個賽日，祖馬龍有幸獲馬會邀請出席沙田煞科賽，到時面對美酒佳餚，必定忙碌一番！希望靠「佳運發」一注獨贏，贏番多少以迎接下周三谷草煞科。
第一場：7競駿天下、4巧眼光、8聚風雲
第三場：3佳運發、2金創福威、9魅力知福
