亨利練馬師王揀了姚本輝 (圖) ，皆因出馬六匹唔多，賠率保證好分，而當中有三隻是新上名馬，餘駒近績亦有可取之處，冷門值得小注一試。

亨利拆局│練馬師王吼姚本輝

更新時間：02:00 2025-06-04 HKT
發佈時間：02:00 2025-06-04 HKT

蔡約翰連續兩期封王，而且連日贏馬都多過希斯，在成績榜將對手越拋越開，後者形勢並不樂觀。今期二人各派多駒上陣，相信應有一番惡鬥，由於籌碼充足，正路計都是練馬師王佳選。但留意其他馬房，姚、廖、伍、東、沈都有資格做架兩，最終我揀了姚本輝，皆因出馬六匹唔多，賠率保證好分，而當中有三隻是新上名馬，餘駒近績亦有可取之處，冷門值得小注一試。

重點爭分馬方面，「酷霸王」今季屢拼仍未能出頭，與連場負重磅有莫大關係，今仗最大障礙是排十檔起步，唯一慶幸是跑A欄，本身跑法夠彈性，希望蝕位影響減到最低，趁季尾休息兩個月儲回體力，求勝心意不用懷疑。

「歡樂老撾」唯一贏馬跑泥地，但其實谷草曾有一點走勢，574場次谷草千八，在對面直路尾欲移出發力，卻被外側馬匹封鎖去路，今次重遊舊路排靚檔，有力提升名次。「日馳千里」近況夠銳，排一檔唔敢睇小。

目標：姚本輝

賠率：7.5

全日惡馬第五場：酷霸王

練馬師王最佳投注時機：第二場前

↓立即下載星島頭條App↓