祖馬龍心水│「鼓浪好友」出頭良機

更新時間：18:29 2025-03-08 HKT
發佈時間：18:29 2025-03-08 HKT

呢幾日天氣乍暖還寒，早幾日又落雨，雖然天文台話今日唔會落雨，但預料依然天陰陰，場地狀況暫時難以估計。全日有兩場泥地賽事，再睇埋其餘各場草地賽，唔係各駒實力呈均勢，就係實力馬要頂磅、排外檔，總之連場亂局。較為明朗係第三場，屬三強鼎立局面。

祖馬龍比較鍾意「鼓浪好友」，連續幾場跟前蝕步速都走近，上場蔡明紹在埋門稍為收慢坐騎，結果被競賽小組查詢末段騎法，其實此駒性能屬均速型，直路全速衝刺爆發力強，今次蔡明紹再騎必會打醒十二分局精神。同場「陽光寶貝」擺小妹預期會放頭跑，「鼓浪好友」就算排十檔，估計出閘仍會夠快，如無意外可移入二疊搵遮擋，甚至攝埋欄跟守好位順走，相信會交出比上仗更佳嘅爆發力。此外，值得留意試閘連番見好嘅「天星」，可惜排十二檔，新馬能否克服係重要因素，祖馬龍擺喺第四選，投注四連環或四重彩先加入考慮。

第二場：4金風萬里、3手錶之星、7嘉冠王
第三場：8鼓浪好友、2閃光燈、9黑白

↓立即下載星島頭條App↓