祖馬龍心水│「安泰」全日重心

更新時間：18:28 2024-12-28 HKT
發佈時間：18:28 2024-12-28 HKT

2024年最後一個賽日食尾胡，我相信係好多馬迷嘅想法。回想今年確實精彩，波又踢多咗、馬場又去多咗。當事情日復日咁做，恆常化形成一種規律，就係生活，平淡是福。突然間咁正經講嘢，皆因年尾時候總會多啲思考。

今個賽日心水馬「安泰」，確實都係蔡約翰慣常搏殺手法，落四班兼配潘頓，近幾鋪已經睇到走勢，十二月亦係阿蔡開工日子。不過橋唔怕舊，最緊要受，呢場隻馬佢實博㗎喇，潘頓都熟悉隻馬，應會好似上季302贏馬嗰鋪咁擺前少少走，正路馬賠率欠奉，贏唔贏到就睇下臨場步速快慢，以及「彭玥」可以放到幾多！此外，新馬「紫荊拼搏」雖然檔差，但試閘又真係幾吸引眼球，玩大彩池正路要攞埋。不過，四平八穩要揀埋「特別美麗」，作為第三選就合適不過。有時悶悶地咁贏，都算係一種馬場智慧，總之獨贏、Q膽就搵「安泰」做重心。

第四場：2安泰、10彭玥、3特別美麗
第九場：3同祥和順、5包裝伯樂、4自強不息

↓立即下載星島頭條App↓