蔡約翰布陣較有睇頭，而且多駒賠率都有肉食，除了投注佢練馬師王，亦不妨擇善賭單場。

練馬師王吼蔡約翰

更新時間：02:00 2024-04-20
發佈時間：02:00 2024-04-20

泥草混合賽一般形勢較亂，今次更編四組泥賽，練馬師王更難入手。不過貨比貨之下，蔡約翰布陣較有睇頭，而且多駒賠率都有肉食，除了投注佢練馬師王，亦不妨擇善賭單場。若練馬師王想博分頭，可留待第四場落注走地。

第二場「志勝時機」上仗遇弱組亦輸四乘許，表面賽績極差，但當日三疊轉彎屬死位，何況今日隨時有雨，值得給予機會。第四場「旋風飛颺」上仗排四檔，沿途走位是先移出、後移入，埋門又阻到無跑過，發揮不堪入目，艾道拿居然再獲帥印，應會醒醒定定。第六場「德心知遇」上仗初跑泥地，段速水準較另一組四班頭馬更靚，當銳馬搵到理想出路，蔡約翰作風會繼續砌。第九場「魅力知遇」上仗沿途望空兼三四疊轉彎，走位欠誠意，今次排十檔有可能繼續蝕位，但復課曾試千六米閘，備戰一如今季贏馬時，我信潘頓會畀心機發揮。第十場「鐵金剛」沒有挑剔空間，今組對手亦水皮，爭分籌碼之一。

目標：蔡約翰

賠率：4.0

全日惡馬第六場：德心知遇

練馬師王最佳投注時機：第四場前

緊貼最新最快新聞資訊，請立即下載星島頭條App：https://bit.ly/3Q29Vow