亨利拆局│練馬師王吼蔡約翰

更新時間：02:00 2023-01-24 HKT
發佈時間：02:00 2023-01-24 HKT

上期練馬師王五倉同分，乃彩池開辦以來首次見，最終姚本輝奪廿八分另加三個殿軍影贏對手，形勢非常緊湊。出現以上鏡頭，可能與年三十晚舉行賽事有關，由於多個馬房都放緩部署，如方嘉柏、伍鵬志、希斯等皆零分收場，遂令賽果變得平均。今次賀歲賽日並不一樣，不少馬房都加強部署，尤其蔡約翰最是似樣，頭馬隨時坐二望三，誠是練馬師王佳選。

第二場「水晶酒杯」上仗雖被頭馬遠遠拋離，但沿途二疊望空造偏快步速搶放，末段時間能符合標準，表現較之前跑直路賽更有睇頭，補中呼聲極高。第四場「有財有勢」上仗受惠超快步速而追勢悅目，不過前仗遇超慢步速都衝得勁，顯然本身亦有料到，今次排五檔不必留太後，可坐位望贏。第六場「首飾大亨」上仗由外疊後追馬控制大局，本身直路走內疊兼稍遲望空，刻意再報千八似心有不甘。

第八場「風火戰駒」上仗前四名馬皆貼欄入彎，本身走二疊得第五，不算太差。第九場「勝得出色」今次最大障礙是排十一檔，不知是放是留，希望潘頓有妥善發揮。第十場「紅運帝王」上仗放頭賺超慢步速，但初跑千四能入位，始終要尊重。

目標：蔡約翰

賠率：2.85

立即下載 | 全新《星島頭條》APP : https://bit.ly/3yLrgYZ