【書展開鑼】疫下網課成績退步 小學生主動要求買補充練習
發佈時間：14:54 2022-07-20
一年一度書展今（20日）開鑼，就算教育常態如何變更，相信補充練習仍然是家長大熱門之選！然而，疫下動輒停課，未必每位學生適合網課，不少受訪學生對記者表示，樂意多做補充練習提昇成績；亦有家長擔心子女成績倒退，特別多購額外練習，親自課後督促。
文、圖：Candy
小六呈分 急購補充力挽成績急跌
從未在書展買補充練習的楊太，預算無上限，打算「見啱即買」；疫下網課令其五年級孩子完全追不上進度，學習懶散。「超退（步）！呈分試已經跌落Band 3，係咪好恐怖？本身Band 2，現在情況好嚴峻！」她續指，學校都有補充練習，但因為課後忙做功課、課外活動等，一直敷衍了事，未意識成績倒退：「現在打算每科兩三本，我會睇住佢做，希望做慣啲題目，始終少咗上堂，真係生疏啲！」
朱同學：「每日做啲，考試就無咁痛苦！」
朱太預算花約一千元購買補充練習，六百元則買消閒書。小四朱同學自言並不抗拒做補充練習，形容學校提供的是功課，自己額外多做當溫書：「每日做啲，考試就無咁痛苦！」朱同學分享自身經驗，指二年級時，中文科未試過做補充練習，落得不及格成績：「三年級做完，我有八十七分！」朱太從旁補充，指女兒寧願每天做補充練習當溫書，不用堆積至考試前夕溫書。
怕網課影響成績 多做練習鞏固
將面對小五呈分試的黃同學擔憂網課影響成績，遂主動要求多買補充練習：「我驚網課聽唔明白，老師講太快，之前網課一直有做，想增強自己能力，打好基礎！」其母黃太預算一千元內，包括買消閒書：「學校都有練習，不過他的弱項，都想自己加強返，多做解難題！」
讀Happy school 額外做補充鞏固
鄧太預算花一千元買補充練習，同場已花逾二千元購買益智玩具。現時她將升小四的孩子就讀類近國際學校的Happy School ，平常沒太多功課，考試沒排名，反令她擔心學術成績落後於傳統小學：「英文科會越級，買高一年級，中數則買同級。」她的孩子並不抗拒做練習，指每天做功課時間20分鐘內完成：「特別現在返半日，更加多時間做些練習」。
