「中國匹克球巡迴賽香港站正式發布會暨未來精英培育計劃啟動禮」日前喺奧海城順利舉行。

Cally - 匹克球熱潮席捲香港信和攜手Bay Pickle 培育新一代運動精英 | 商界講呢啲

更新時間：02:00 2026-11-11 HKT
發佈時間：02:00 2026-11-11 HKT

　最近同朋友聚會，大家話題總離不開近年風靡全球嘅新興運動——匹克球（Pickleball）！呢項節奏明快又容易上手嘅運動，無論大人定小朋友都一試愛上。

　一向熱心推動社區健康生活嘅信和集團，最近就同匹克球平台Bay Pickle聯手，全力推動匹克球喺香港「普及化」兼「精英化」！信和旗下嘅一號銀海首度開設「Bay Pickle Academy」，特設兩個室內比賽級球場，仲會定期請嚟海外同內地頂尖教練親臨指導，連初學者同想精進技術嘅朋友都有專業好去處。

　除咗埋頭練習，實戰經驗都重要。全國矚目嘅「中國匹克球巡迴賽（CPC）」正式首度落戶香港，將於12月喺元朗錦綉花園鄉村俱樂部開打，即日起已接受報名！賽事設有多個積分組別，連18歲以下青年組到長青組都有，成功報名仲送室內球場練習時數備戰。

　對於有潛質嘅年輕人，今次合作更係大展身手嘅黃金機會。雙方宣布推出「未來精英培育計劃」，首年預計支援20位18歲以下嘅本地青年球員，贊助逾1,000小時嘅訓練資源同免費球場練習，優秀學員更有機會代表香港出戰內地或海外賽事。

　由社區推廣到培育年輕運動員，信和集團與Bay Pickle希望讓匹克球不只係一時嘅運動熱潮，更能成為香港體育發展嘅新力量。