KellyChu - 渡輪巴士免費接駁機票酒店等50萬大抽獎愉景灣Fun Day任你玩盞鬼過萬聖節 | Executive日記

更新時間：02:00 2026-10-08 HKT
發佈時間：02:00 2026-10-08 HKT

　　萬聖節就快到，大家諗好去邊玩未？愉景灣就會喺10月31日及11月1日，首辦「愉景灣 Fun Day」，一連2日帶來約20項免費體驗、禮品換領及大抽獎，活動將送出總值超過50萬元嘅獎品及禮遇，包括機票、酒店住宿等；大家到時可以Cosplay盛裝到場，出席「盞鬼」萬聖夜市集，同「百變Cosplay巡遊爭霸戰」；另外，愉景灣會設免費渡輪、巴士及開篷導賞巴士，接駁到各個活動場地，去邊都咁方便！

　　活動遍布全區，其中一年一度嘅「盞鬼」萬聖夜市集會喺愉景廣場載譽歸來，逾60個特色攤位售賣各式精緻手作、萬聖節主題飾品等，現場更有魔術師即席表演。「愉景灣百變Cosplay巡遊爭霸戰」同日亦盛大舉行，活動更邀得於「世界Cosplay高峰會」代表香港出戰並奪冠嘅Coser AR★Lu及Ronnie，一同加入巡遊隊伍並擔任比賽評判！愉景灣誠邀全港市民精心裝扮，喺呢個充滿歐陸風情氛圍下Trick or Treat，度過一個難忘嘅萬聖節！

　　多個會員專屬場地更係首度開放，包括愉景灣高爾夫球會高球體驗及推桿、Lantau Yacht Club尊尚導賞、愉景灣康樂會匹克球、海澄湖畔會所板網球、大白灣沙灘兒童足球及體驗班、愉景灣溜冰場「冰雪畫布」等。另外，愉景北設「萌寵派對」、「萌寵市集」及慈善寵愛行；愉景廣場則有「盞鬼」萬聖夜市集、百變Cosplay巡遊爭霸及周末露天市集。

　　另外，「愉」你飛幸運大抽獎會由10月31日至明年1月3日舉行，獎品包括香港航空雙人來回機票及五星級酒店住宿；玩「愉景遊蹤」任務，則可換領禮品，獎品逾6000份！

KellyChu