查小欣 - 「悅」家的味道 | 查乜料

更新時間：02:00 2026-09-25 HKT
發佈時間：02:00 2026-09-25 HKT

　　中環雲咸街上海總會樓上，開了連續三年獲米芝蓮指南推薦粵菜館「悅」的第二間分店，地方寬敞，布置清雅，服務殷勤。

　　這夜與幾個為食朋友想食簡單家庭菜，重點是要好食。先上一道開胃菜「豉油皇香煎日本淮山」，日本直送優質淮山，厚切，用經典豉油皇煎香，考工夫，淮山再沾上豉油極易黐鑊又易散，師傅卻能煎至片片外脆內軟，鹹香誘人。

　　乾煸虎皮椒，向來偏好虎皮尖椒，小時候，阿媽家常菜就是煎辣椒，用豆豉、蒜、豉油灒香，可下一大碗白飯。「悅」就做到那帶來溫馨的味道。

　　「遠年陳皮牛肉餅」，用安格斯牛肉鮮剁的古法，識食一定食手剁肉，肉有質感，配合陳皮香氣，我不客氣，食咗大半份。

　　鮮椒醬水庫大魚頭，剁椒入味，啱晒鍾意食魚頭和嗜辣的朋友，記住吃時小心魚骨，少說話。

　　大廚名物：脆皮蔥油雞，外皮薄如蟬翼，金黃香脆，肉質嫩滑多汁，有兩款特製蔥油醬，愛濃味蘸惹味的乾蔥醬，愛清新蘸香氣的青蔥油，雞髀雞胸各取所好，眨眼清碟。

　　不可錯過「濃湯浸千絲日本大根」，功夫菜，日本大根削成細長麵條絲，包捲成小金枕，吸收雞湯精華，濃郁中透清甜，幼滑有層次感。

　　「上湯京都腐皮浸花甲」，京都腐皮質感軟綿，豆香濃郁，配新鮮花甲，鮮甜健康湯品。飲完成個人暖晒，感受到「返屋企食飯」的溫度。

查小欣