KellyChu - 潘權輝指海味銷情止跌回升安記鮑魚海參元貝小零食樣樣正 | Executive日記

更新時間：02:00 2026-09-24 HKT
發佈時間：02:00 2026-09-24 HKT

歎美味海味，必先浸發同烹調，繁複程序，依家年輕人邊有咁多時間搞。為咗讓大眾隨時隨地品嘗到海味嘅美味，安記海味20多年前已經率先發展海味零食化嘅概念，推出急凍及即食海味產品，大受年輕市場歡迎。而佢哋嘅智能倉庫更集包裝、儲存及電商出貨於一身，透過一站式物流管理方案，支援香港多間分店、內地市場及各大零售點貨品分銷，迅速將產品送到消費者手上。

　　安記零食鮑魚系列用上獨立包裝設計，有和風照燒味、椒香麻辣味、港式叉燒味及雙倍辣火辣醬味等多款創新口味，打破鮑魚僅限節慶宴席嘅局限，亦推出「零食元貝」及「零食海參」系列，結合傳統海味與現代飲食習慣，讓年輕一代更容易接觸海味文化。Kelly試食，原本只試一款，結果各款食晒，事關實在太好味。

　　第三代掌舵人董事總經理潘權輝話，海味小食喺市場上反應很好，尤其是開袋即食，唔使時間煮，受年輕人接受。談到今年市道，佢認為海味行業生意跌咗幾年，今年「止跌回升」，估計今年整體生意可有10%至15%增長，其中旅客生意約佔整體兩成。佢指，冬至和過年固然係最大銷量檔期，但如果中秋國慶期間未能做好銷售，年尾生意也難以追回，因此公司非常重視呢段時間嘅推廣。加上國慶期間有不少旅客來港購物，品牌需要加強宣傳，吸引旅客持續消費。

　　Kelly知道，安記海味門市與網店特別推出多項國慶限時優惠，回饋市民與旅客。10月1日至14日期間，星級網鮑（8隻裝）、鮑發財燈籠、紅燒溏沁鮑魚（8隻）、蠔皇花菇溏沁鮑魚（8隻）、安記金牌厚花菇x3，均以優惠價$101發售！亦可以$101優惠價，任選一件臘味產品加鴛鴦腸。會員於10月1日至10月4日期間買滿$1000更可減$101（元貝除外），追蹤小紅書@香港安記海味亦可享有此優惠！識食嘅你記得唔好錯過呢次優惠活動喇。

KellyChu